ព័ត៌មានជាតិ

លោកជំទាវ ម៉ែន សំអន សម្របសម្រួលបញ្ចប់វិវាទករណីសំណង់ផ្សារទំនើបសេនជូរីផ្លាហ្សាស្របតាមវិធីសាស្រ្ត ឈ្នះ ឈ្នះ

ភ្នំពេញ ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាលចុះជួយរាជធានីភ្នំពេញ បានដឹកនាំកិច្ចប្រជុំសម្របសម្រួលបញ្ចប់ករណីវិវាទរវាងក្រុមហ៊ុន CCCC Third Harbour Engineering Co.,Ltd ម្ចាស់ម៉ៅការសំណង់ និងក្រុមហ៊ុន Fujian Jianlong Engineering Consulting Co.,Ltd ដែលជាអ្នកអភិវឌ្ឍន៍ផ្សារសេនជូរីផ្លាហ្សា នៅក្នុងការដ្ឋានសារសង់ផ្សារទំនើបសេនជូរីផ្លាហ្សា ដែលមានជាន់ក្រោមដី ២ជាន់ និងកម្ពស់ឡើងលើ ៦ជាន់ ដែលស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ នារសៀល ថ្ងៃសុក្រ ៩កើត ខែមាឃ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២២ ខែមករា ឆ្នាំ២០២១ នៅទីស្តីការក្រសួង ។ ថ្លែងក្នុងឱកាសនោះ លោកជំទាវបានមានប្រសាសន៍ថា កន្លងមកជម្លោះនេះ ក៏បានធ្វើឲ្យសំណង់ផ្សារត្រូវបានផ្អាកជាបណ្តោះអាសន្ន ជាច្រើនខែ ដែលបានធ្វើឲ្យអាជីវករទាំងអស់ មានអារម្មណ៍មិនល្អចំពោះគម្រោងនៃការសាងសង់ផ្សារទំនើសេនជូរីផ្លាហ្សានេះ និងបានធ្វើឲ្យសំណង់នេះមិនអាចបញ្ចប់តាមកិច្ចសន្យាដែលបានកំណត់ និងម្យ៉ាងទៀត ក៏បានធ្វើឲ្យអាជីវករខកខានក្នុងការលក់ដូរផងដែរ ។ […]

ព័ត៌មានជាតិ

ព្រះសង្ឃនិងពុទ្ធបរិស័ទត្រូវចូលរួមថែរក្សាសុខសន្តិភាពដែលមានសព្វថ្ងៃ

ព្រះវិហារ៖នាយឧត្តមសេនីយ៍មាសសុភាទេសរដ្ឋមន្ត្រីទទួលបន្ទុកបេសកកម្មពិសេសនិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារបានអំពាវនាវដល់ព្រះសង្ឃនិងពុទ្ធបរិស័ទ”ត្រូវថែរក្សាសុខសន្តិភាពឱ្យនៅគង់វង្សយូរអង្វែងដើម្បីវិស័យពុទ្ធចក្រនិងអាណាចក្រកាន់តែមានការអភិវឌ្ឍរីកចម្រើនថែមទៀត”។ ថ្លែងក្នុងឱកាសដែលលោកបានអញ្ជើញចូលរួមក្នុងពិធីបញ្ចុះបឋមសិលាសាងសង់សាលាឆាន់ក្នុងវត្តពោធិសិលារាមហៅវត្តគីឡូលេខ៨ស្ថិតក្នុងភូមិមហាផសង្កាត់ប៉ាលហាលក្រុងព្រះវិហារខេត្តព្រះវិហារកាលពីល្ងាចថ្ងៃទី២២ខែមករាឆ្នាំ២០២១។ លោកទេសរដ្ឋមន្ត្រីមាសសុភាបានថ្លែងពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុនសែននាយករដ្ឋមន្ត្រីនិងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាដែលជានិច្ចជាកាលសម្តេចទាំងទ្វេតែងគិតគូរយកចិត្តទុកដាក់ពីសុខទុក្ខនិងការរស់នៅរបស់ប្រជាពលរដ្ឋគ្រប់ៗរូប។ លោកទេសរដ្ឋមន្ត្រីមាសសុភាក៏បានសម្តែងនូវក្តីមោទនភាពក្រៃលែងដែលប្រទេសយើងក្រោមការដឹកនាំរបស់សម្តេចតេជោហ៊ុនសែនទទួលបានចំណាត់ថ្នាក់ល្អក្នុងការទប់ស្កាត់ការរីករាលដាលនៃកូវីដ១៩រហូតមកដល់ថ្ងៃនេះមិនមានអ្នកណាម្នាក់ស្លាប់បាត់បង់ជីវិតទេ។ ក្នុងនោះក៏បានប្រគេនបច្ច័យចំនួន៤លានរៀលសម្រាប់ចូលរួមសាងសង់សាលាឆាន់និងបានចែកក្រណាត់សព្រមទាំងថវិកា២ម៉ឺនរៀលដល់លោកយាយលោកតាផងដែរ៕   

ព័ត៌មានជាតិ

រកឃើញភាពមិនប្រក្រតីខ្លះនៅដេប៉ូចែកចាយប្រេងឥន្ធនៈ៦ទីតាំងក្នុងខេត្តកណ្តាល

កណ្តាល៖មន្រ្តីសាខាការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំ(ក.ប.ប.)(CCF)ខេត្តកណ្តាលសហការពីមន្ត្រីមន្ទីរពាណិជ្ជកម្មខេត្តកាលពីថ្ងៃទី២០ខែមករាឆ្នាំ២០២១បាននាំយករថយន្តពិសោធន៍ចល័តផ្នែកប្រេងឥន្ធនៈចុះត្រួតពិនិត្យបណ្តាស្ថានីយចែកចាយប្រេងឥន្ធនៈចំនួន៦ទីតាំងនៅក្នុងខេត្តកណ្តាល។ ក្នុងការត្រួតពិនិត្យនេះមន្ត្រីជំនាញបានវិភាគលើកម្រិតសន្ទស្សន៍អុកតាននៃប្រេងសាំង,សេតាននៃប្រេងម៉ាស៊ូ្សតនិងត្រួតពិនិត្យលើរង្វាស់រង្វាល់របស់បណ្តាស្ថានីយចែកចាយទាំង៦។ លទ្ធផលនៃការត្រួតពិនិត្យមន្រ្តីជំនាញបានរកឃើញស្ថានីយចែកចាយប្រេងឥន្ធនៈស្ថានីយចំនួន៤ទីតាំងមិនមានអនុលោមភាពទាំងផ្នែកគុណភាពនិងបរិមាណ។ស្ថានីយដេប៉ូចំនួន១ទីតាំងមិនមានអនុលោមភាពផ្នែកបរិមាណ។ ស្ថានីយដេប៉ូចំនួន១ទីតាំងមិនមានអនុលោមភាពទាំងផ្នែកគុណភាព។នេះជាការរកឃើញលើកទី១។មន្រ្តីជំនាញបានឱ្យម្ចាស់ស្ថានីយដេប៉ូធ្វើកិច្ចសន្យាកែតម្រូវ។បើមន្រ្តីសាខាក.ប.ប.ខេត្តកណ្តាលរកឃើញកំហុសលើកទី២មន្រ្តីជំនាញនឹងកសាងសំណុំរឿងបញ្ជូនទៅតុលាការ៕    

ព័ត៌មានជាតិ

អាជ្ញាធរចុះទៅដល់ទីតាំងដីដែលគេចោទថាមានពលរដ្ឋកាប់រុករានគម្របព្រៃឈើ

ព្រះវិហារ៖ខណ្ឌរដ្ឋបាលព្រៃឈើខេត្តព្រះវិហារកាលពីថ្ងៃទី២០ខែមករាឆ្នាំ២០២១បានចុះទៅដល់ទីតាំងដីដែលគេចោទថាមានពលរដ្ឋកាប់រុករានគម្របព្រៃឈើដឹកនាំដោយលោកវង្សពិសិតនាយផ្នែករដ្ឋបាលព្រៃឈើក្រុងព្រះវិហារនិងនាយសង្កាត់ស្រយ៉ង់,អាជ្ញាធរភូមិ,ឃុំនិងម្ចាស់ដី។ លោកវង្សពិសិតនាយផ្នែករដ្ឋបាលព្រៃឈើក្រុងព្រះវិហារបានឱ្យដឹងថា៖អាជ្ញាធរបានចុះទៅដល់ទីតាំងដីដែលគេចោទថាម្ចាស់ដីឈ្មោះឈួនសារីមានទីលំនៅភូមិក្តាក់ឃុំត្បែង២ស្រុកគូលែនខេត្តព្រះវិហារចោទថាពួកគាត់កាប់រុករានគម្របព្រៃឈើមួយកន្លែងប្រមាណជាង៧ហិកតាស្ថិតក្នុងចំណុចស្រែច្រកភូមិសាស្រ្តភូមិក្តាក់ឃុំត្បែង២ស្រុកគូលែន។ ឈ្មោះឃួនសារីម្ចាស់ដីខាងលើបានបញ្ជាក់ប្រាប់ជំនាញនិងអាជ្ញាធរឱ្យដឹងថា៖ដីនេះពួកគាត់បានកាន់កាបតាំងពីរឆ្នាំ១៩៧៩មកទល់បច្ចុប្បន្ននេះដីដែលបានធ្វើស្រែនិងមានកញ្រាំងដុះនៅពេញស្រែ។ចំពោះម្ចាស់គ្រឿងចក្រដែលចូលទៅឈូសឆាយដីនេះមានឈ្មោះព្រៃមាននៅបច្ចុប្បន្នរស់នៅភូមិស្រយ៉ង់ជើងឃុំស្រយ៉ង់ស្រុកគូលែនខេត្តព្រះវិហារ។ឈូសឆាយតាំងពីខែ១២ឆ្នាំ២០២០កន្លងមកមិនមែនឈូសឆាយខែ មករាឆ្នាំ២០២១នេះ។ លោកវង្សពិសិតនាយផ្នែកក្រុងព្រះវិហារបានបញ្ជាក់ថាពេលត្រឡប់ទៅវិញលោកនិងធ្វើរបាយការណ៏ជូនថ្នាក់ដឹកនាំឱ្យដឹងថាដីនេះជាដីស្រែពិតតែរឿងយ៉ាងណានោះទុកឱ្យថ្នាក់ដឹកនាំសម្រេច៕

ព័ត៌មានជាតិ

សម្តេច ហ៊ុន សែន ម្រេចតែងតាំងរដ្ឋមន្រ្តី២រូបជាអនុប្រធានគណៈកម្មការអន្តរក្រសួងស្ថាបនាផ្លូវ៣៨ ខ្សែនៅក្រុងសៀមរាប

ភ្នំពេញ ៖ ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន បានចេញសេចក្តីសម្រេចតែងតាំងឯកឧត្តម អ៊ុក រ៉ាប៊ុន និងឯកឧត្តម លឹម គានហោ ជាអនុប្រធានគណៈកម្មការអន្តរក្រសួង ស្ថាបនាផ្លូវ៣៨ ខ្សែនៅក្រុងសៀមរាប៕

ព័ត៌មានជាតិ

ឯកឧត្តម ហ៊ុន ម៉ានី ដឹកនាំគណៈប្រតិភូគណៈកម្ម ការទី៧នៃរដ្ឋសភាអញ្ជើញចុះពិនិត្យដំណើរការសិក្សា និងស្ថានភាពទូទៅនៅសាលា ប៊ែលធីអន្តរជាតិ

ភ្នំពេញ ៖ នារសៀលថ្ងៃទី១៨ ខែមករា ឆ្នាំ២០២១ សាលាប៊ែលធី អន្តរជាតិមានកិត្តិយសដ៏ឧត្តុង្គឧត្តមបានទទួលបដិសណ្ឋារកិច្ចស្វាគមន៍វត្តមានដ៏ខ្ពង់ខ្ពស់របស់គណៈប្រតិភូគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា ដឹកនាំដោយឯកឧត្តម ហ៊ុន ម៉ានី ប្រធានគណៈកម្មការ រួមជាមួយវត្តមានឯកឧត្តម អ៊ឹម កុច រដ្ឋលេខាធិការតំណាងឯកឧត្តមបណ្ឌិត សភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា ក្នុងឱកាសអញ្ជើញចុះពិនិត្យដំណើរការសិក្សា និងស្ថានភាពទូទៅនៅសាលា ប៊ែលធី អន្តរជាតិទី១៨ (សាខាផ្សារព្រែកឯង)។ លោក លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា បានឡើងធ្វើរបាយការណ៍ពីវឌ្ឍនភាព និងសមិទ្ធផលនានានៃសាលា ប៊ែលធី អន្តរជាតិ ជូនដល់ប្រតិភូគណៈកម្មការ ជាពិសេសការរៀបចំបើកបវេសនកាលឆ្នាំសិក្សាថ្មី ២០២០-២០២១ ដោយអនុវត្តការសិក្សាតាមប្រព័ន្ធអេឡិចត្រូនិក (E-Learning) និងបានបង្កើតកម្មវិធី Mobile App ឈ្មោះ “BELTEI International School” ដើម្បីជាជំនួយស្មារតីដល់សិស្សានុសិស្ស […]

ព័ត៌មានជាតិ

សម្ដេច ស ខេង ៖ បញ្ហាអំពើហិង្សាផ្លូវភេទគ្រប់ទម្រង់ នៅតែជាក្ដីកង្វល់ដែលទាមទារត្រូវដោះស្រាយជាចំបាច់

ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ មានប្រសាសន៍ថា បញ្ហាអំពើហិង្សាក្នុងគ្រួសារ ការរំលោភសេពសន្ថវៈ អំពើជួញដូរមនុស្ស និងអំពើធ្វើអាជីវកម្មផ្លូវភេទលើស្ត្រី និងកុមារ ព្រមទាំងបញ្ហាគ្រឿងញៀន នៅតែជាក្ដីកង្វល់ចំពោះមុខ ដែលទាមទារឲ្យភាគីពាក់ព័ន្ធត្រូវដោះស្រាយប្រកបដោយយុត្តិធម៌ និងត្រឹមត្រូវបំផុត។ សម្ដេចក្រឡាហោម ស ខេង មានប្រសាសន៍បែបនេះ ក្នុងកម្មវិធីប្រកាសផ្សព្វផ្សាយដាក់ឲ្យប្រើប្រាស់ជាផ្លូវការ ផែនការសកម្មភាពជាតិ ស្ដីពីការទប់ស្កាត់អំពើហិង្សាលើស្ដ្រី ២០១៩-២០២៣ នាព្រឹកថ្ងៃទី១៩ ខែមករា ឆ្នាំ២០២០ នៅសណ្ឋាគារ សូហ្វីតែល ភ្នំពេញ ភូគីត្រា។ សម្ដេចក្រឡាហោម បានបញ្ជាក់យ៉ាងដូច្នេះថា «បញ្ហាអំពើហិង្សាក្នុងគ្រួសារ ការរំលោភសេពសន្ថវៈ អំពើជួញដូរមនុស្ស និងអំពើធ្វើអាជីវកម្មផ្លូវភេទលើស្ត្រី និងកុមារ ព្រមទាំងបញ្ហាគ្រឿងញៀន នៅតែជាកង្វល់ចំពោះមុខរបស់យើងនៅឡើយ។ បញ្ហាទាំងអស់នេះ ទាមទារឱ្យយើងទាំងអស់គ្នាជាអ្នកពាក់ព័ន្ធ បន្តយកចិត្តទុកដាក់ខិតខំប្រឹងប្រែងពុះពារជំនះ និងដោះស្រាយប្រកបដោយយុត្តិធម៌ និងកាន់តែមានប្រសិទ្ធភាពថែមទៀតដើម្បីឱ្យប្រជាជនយើង ជាពិសេសស្ត្រីកម្ពុជាដែលមានចំនួន រហូតដល់៥២ភាគរយ នៃប្រជាជនសរុបរស់នៅប្រកបដោយការគោរពសិទិ្ធ សេចក្តីសុខ និងសុវត្ថិភាពក្នុងជីវិត និងភាពសុខដុមរមនាក្នុងសង្គម»។ សម្ដចក្រឡាហោម បន្ដថា ដើម្បីសម្រេចបានគោលបំណងនេះ រាជរដ្ឋាភិបាលបាននឹងកំពុងអនុវត្តយ៉ាងខ្ជាប់ខ្ជួននូវយុទ្ធសាស្រ្តចតុកោណដំណាក់កាល […]

ព័ត៌មានជាតិ

កសិករ​ដាំ​បន្លែ​លើ​ផ្ទៃដី​មួយ​ហិកតា​ទទួលបាន​ប្រាក់ចំណូល​១​ឆ្នាំ​ជាង​២០​លាន​រៀល

ព្រះវិហារ​៖​ពលរដ្ឋ​រស់នៅ​ភូមិ​ពោធិ​ទៀប​ឃុំ​ម្លូរ​ព្រៃ​មួយ​ស្រុក​ឆែប​ខេត្តព្រះវិហារ​បានឱ្យដឹង​លទ្ធផល​ដែល​ទទួលបាន​បន្ទាប់ពី​ពួកគាត់​កែប្រែ​ផ្ទៃដី​ដែលមាន​ទំហំ​១​ហិកតា​ដាំ​ដុះ​ដំណាំ​បន្លែ​ផ្សេងៗ​រកប្រាក់​ចំណូល​ក្នុង​១​ឆ្នាំ​ជាង​២០​លាន​រៀល​។​ ​លោក​ច​ន​គឹម​ស្រស់​អាយុ​៣៧​ឆ្នាំ​ភរិយា​ឈ្មោះ​យឹ​ង​ថា​វី​អាយុ​៣៨​ឆ្នាំ​មានកូន​ក្នុងបន្ទុក​ចំនួន​២​នាក់​ជា​កសិករ​រស់នៅ​ភូមិ​ពោធិ​ទៀប​ឃុំ​ម្លូព្រៃ​មួយ​ស្រុក​ឆែប​បានឱ្យដឹងថា​៖​គាត់​មាន​ផ្ទៃដី​ទំហំ​១​ហិកតា​និង​បាន​ដាំ​ដុះ​ដំណាំ​បន្លែ​ផ្សេងៗ​ដោយ​គិត​ជា​មធ្យម​បាន​ចំណូល​ក្នុង​១​ឆ្នាំ​ជាង​២០​លាន​រៀល​។​   ​កសិករ​រូបនេះ​បាន​បន្តទៀតថា​ដំណាំ​បន្លែ​ដែល​គាត់​ដាំ​រួមមាន​ដើម​ខ្ទឹម​ដែល​រយៈពេល​ដាំ​គឺ​ជាង​១​ខែ​ទទួលបាន​ផល​ហើយ​ដែលជា​មធ្យម​ក្នុង​រយៈពេល​ជាង​១​ខែ​គាត់​អាច​លក់​ដើម​ខ្ទឹម​បាន​ប្រហែល​ជិត​២​តោន ដោយ​ក្នុង​១​គីឡូ​មានតម្លៃ​ចាប់ពី​៣.៥០០​រៀល​ទៅ​៤.០០០​រៀល​។​   ​ចំណែក​ដំណាំ​ត្រសក់​គាត់​ដាំ​ក្នុង​រយៈពេល​ជាង​មួយខែ​ដូចគ្នា​ទទួលបាន​ផល​ជិត​២​តោន​ដោយ​លក់បាន​តម្លៃ​៨០០​រៀល​ក្នុង​មួយ​គីឡូក្រាម ក្រោយពី​នោះ​គាត់​ដាំ​បន្លែ​បន្ទាប់បន្សំ​មួយចំនួនទៀត​ដូចជា​ត្រប់​,​ម្ទេស ,​ដែល​ដំណាំ​ទាំងនេះ សរុប​ក្នុង​មួយឆ្នាំ​គាត់​អាច​ទទួល​ចំណូល បាន​ជាង​២០​លាន​រៀល​ដែរ​។​   ​កសិករ ច​ន គឹម​ស្រស់ បានឱ្យដឹង​ទៀតថា​៖​ចំពោះ​វិធីសាស្ត្រ និង​បច្ចេកទេស​ក្នុង​ការដាំដុះ​បន្លែ​នេះ គឺ​គាត់​មើល​តាម​យូ​ធូប​និង​មានការ​បង្រៀន​ពី​មន្ត្រី​កសិកម្ម​ផងដែរ​។​កន្លងមក​គាត់​ទទួលបាន​សម្ភារ​ជាច្រើន​ពី​មន្ទីរ​កសិកម្ម​ខេត្ត​សម្រាប់​យកមកប្រើ​ប្រាស់​លើ​ការដាំ​បន្លែ​របស់គាត់​។​ក្នុងនោះ​គាត់​ក៏​សំណូមពរ​ទៅ​មន្ទីរ​កសិកម្ម​ខេត្ត​ជួយ​ព​ន្លឿ​ន​ការស្តារ​ស្រះ​និង​ឧបត្ថម្ភ​ម៉ាស៊ីនបូមទឹក​សម្រាប់​គាត់​ផង​ព្រោះ​ខែ​នេះ​ទឹក​ចាប់ផ្តើម​រីង​បណ្តើរៗ​ហើយ​៕​​

ព័ត៌មានជាតិ

បញ្ជូនប្តីនិងប្រពន្ធទៅតុលាការករណីផ្តល់មធ្យោបាយឱ្យជនដែលបាញ់ប៉ូលិសជិះគេចខ្លួន

ភ្នំពេញ៖នៅព្រឹកថ្ងៃទី១៨ខែមករាឆ្នាំ២០២១នេះកម្លាំងនគរបាលរាជធានីភ្នំពេញបានបញ្ជូនជនសង្ស័យ២នាក់ប្តីប្រពន្ធនៅស្រុកមេមត់ខេត្តត្បូងឃ្មុំដែលជាបក្ខពួករបស់ជនដៃដល់អ៊ាណារ៉េនដែលបាញ់ប៉ូលិសរាជធានីភ្នំពេញទៅតុលាការដើម្បីបន្តនីតិវិធី។ លោកវរសេនីឯកអេងសោភាប្រធានការិយាល័យព្រហ្មទណ្ឌកំរិតធ្ងន់បានឱ្យដឹងថា៖សមត្ថកិច្ចបានឃាត់ខ្លួនជនសង្ស័យ២នាក់ប្តីប្រពន្ធដែលជាបក្ខពួករបស់ជនដៃដល់អ៊ាណារ៉េនរស់នៅស្រុកមេមត់ខេត្តត្បូងឃ្មុំ។ក្រោយការចាប់ខ្លួនកម្លាំងសមត្ថកិច្ចបានដកហូតកាំភ្លើងខ្លីមួយដើមនិងគ្រាប់មួយចំនួនទៀត។ បក្ខពួកជាប្តីប្រពន្ធនេះគឺជាអ្នកផ្តល់មធ្យោបាយជាម៉ូតូដល់ជនដៃដល់យកជិះគេចខ្លួនបន្ត។ការចាប់ខ្លួននេះជនសង្ស័យទាំង២នាក់ប្តីប្រពន្ធជាប់ពាក់ព័ន្ធនឹងគ្រឿងញៀនផងដែរដែលធ្លាប់បានធ្វើសកម្មភាពជួញដូរគ្រឿងញៀនជាមួយជនដៃដល់កន្លងមក។ក្រោយការចាប់ខ្លួនភ្លាមជនសង្ស័យទាំង២នាក់ត្រូវបានបញ្ជូនមកកាន់នាយកដ្ឋានព្រហ្មទណ្ឌក្រសួងមហាផ្ទៃ។ សូមបញ្ជាក់ថា៖ជនដៃដល់ដែលបានបាញ់សម្លាប់នាយរងនគរបាលព្រហ្មទណ្ឌបានស្លាប់ក្រោយពេលផ្ទុះអាវុធមួយប្រាវជាមួយសមត្ថកិច្ចនៅខេត្តក្រចេះដោយសារជននេះបានបាញ់តដៃមិនព្រមប្រគល់ខ្លួន។ ករណីផ្ទុះអាវុធនេះបានកើតឡើងនៅល្ងាចថ្ងៃទី១៥ខែមករាឆ្នាំ២០២១នៅចំណុចអូរកណ្តៀងស្រុកសំបូរខេត្តក្រចេះបន្ទាប់ពីកម្លាំងនគរបាលនាយកដ្ឋានព្រហ្មទណ្ឌក្រសួងមហាផ្ទៃសហការជាមួយកម្លាំងនគរបាលស្រុកសំបូរ ខេត្តក្រចេះ និងនគរបាលខេត្តស្ទឹងត្រែង ឡោមព័ទ្ធជនដៃដល់។ ជនដៃដល់ដែលត្រូវបាញ់ស្លាប់ក្រោយតដៃជាមួយសមត្ថកិច្ចនេះមានឈ្មោះអ៊ាណារ៉េនដែលបានបាញ់សម្លាប់លោកវរសេនីយ៍រ៉េតស៊ីណាតនាយរងការិយាល័យព្រហ្មទណ្ឌកម្រិតស្រាលរាជធានីភ្នំពេញ កាលពីយប់ថ្ងៃ២៩ខែធ្នូឆ្នាំ២០២០។បន្ទាប់ពីមានទំនាស់ដោយសាររឿងគ្រោះថ្នាក់ចរាចរនៅមហាវិថីសហព័ន្ធរុស្ស៉ី ត្រង់មុខព្រលានយន្តហោះអន្តរជាតិភ្នំពេញ ស្ថិតនៅក្នុងខណ្ឌពោធិ៍សែនជ័យ។ ក្រោយស្រាវជ្រាវដោយនគរបាលព្រហ្មទណ្ឌនិងនគរបាលមូលដ្ឋានរហូតដល់រសៀលថ្ងៃទី៣ ខែមករា ឆ្នាំ២០២១សមត្ថកិច្ចបានចាប់ខ្លួនបានជនសង្ស័យម្នាក់ដែលជាបក្ខពួករបស់ខ្មាន់កាំភ្លើងហើយជាអ្នកបើករថយន្ដនៅថ្ងៃបង្កហេតុ។ បក្ខពួករបស់ខ្មាន់កាំភ្លើងម្នាក់នេះឈ្មោះកែចាន់មានដែលត្រូវបានលោកឆាយហុងព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញចោទប្រកាន់ចំនួនពីរបទល្មើសរួមមាន៖សមគំនិតក្នុងអំពើឃាតកម្មនិងជួញដូរគ្រឿងញៀនហើយត្រូវបានតុលាការឃុំខ្លួនជាបណ្តោះអាសន្ន៕

ព័ត៌មានជាតិ

អាជ្ញាធរខេត្តជំរុញឲ្យកម្លាំងមានសមត្ថកិច្ចរឹតបន្តឹងការអនុវត្ត​គោលនយោបាយ ភូមិឃុំមានសុវត្តិភាព

ខេត្តកណ្ដាល ៖ ឯកឧត្ដម គង់ សោភ័ណ្ឌ អភិបាលខេត្តកណ្ដាល បានជំរុញអោយ​អាជ្ញាធរ​មានសមត្ថកិច្ច រឹតបន្តឹង​ការអនុវត្តគោលនយោបាយ​ភូមិឃុំមានសុវត្តិភាពឲ្យខ្លាំងក្លា ដើម្បីប្រសិទ្ធការងារ និងធានាភាពសុខសាន្តជូនប្រជាជននៅមូលដ្ឋាន។​ ឯកឧត្តមអភិបាលខេត្ត បានជំរុញ​ដូចនេះ ក្នុងឱកាសដែលឯកឧត្តម ដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តកណ្ដាល នារសៀលថ្ងៃទី១៥ ខែមករា ឆ្នាំ២០២១ នៅសាលាខេត្តកណ្ដាល។ ឯកឧត្តមអភិបាលខេត្តថា បបញ្ហាគ្រឿង ញៀន ជាបញ្ហាចំបងដែលធើ្វឲ្យកើតមាននូវបទល្មើសនានា ដូច្នេះ​កម្លាំង​មានសមត្ថកិច្ចទាំងអស់ត្រូវបន្តផ្សព្វផ្សាយផែនការ និងគោលការណ៍ ការកសាងចលនាប្រជាការពារ ការពង្រឹងប្រសិទ្ធភាពការងារ របស់ប៉ុស្ដិ៍នគរបាលរដ្ឋបាល ដើម្បីពង្រឹងវិធានការ បង្ការទប់ស្កាត់ និងបង្រ្កាបបទល្មើសផ្សេងៗដែលកើតឡើងនៅតាមមូលដ្ឋាន​ឲ្យទាន់ពេលវេលា និងមានប្រសិទ្ធភាពខ្ពស់បំផុត៕