ព័ត៌មានជាតិ

ឯកឧត្តម ជាវ តាយ អភិបាលខេត្តកំពត អញ្ជើញជួបសំណេះសំណាលជាមួយគ្រូពេទ្យ និងអតីតយុទ្ធជនក្នុងកម្មវិធីយុទ្ធនាការចាក់វ៉ាក់សាំងការពារជំងឺកូវីដ-១៩ នៅមន្ទីរពេទ្យបង្អែកខេត្តកំពត

នៅព្រឹកថ្ងៃសៅរ៍ ទី១០ ខែមេសា ឆ្នាំ២០២១ ឯកឧត្តម ជាវ តាយ អភិបាលនៃគណៈអភិបាលខេត្ត រួមនិងអភិបាលរងខេត្តថ្នាក់ដឹកនាំ មន្ទីរ អង្គភាព កងកម្លាំង និងមន្ត្រីពាក់ព័ន្ធ បានអញ្ជើញជួបសំណេះសំណាល សួរសុខទុក្ខលើកទឹកចិត្ត ជាមួយគ្រូពេទ្យ និងអតីតអតីតយុទ្ធជនព្រមទាំងគ្រួសារដែលត្រូវមកទទួល ការចាក់វ៉ាក់សាំងការពារជំងឺឆ្លងកូវីដ១៩ តាមគោលការណ៍ស្ម័គ្រចិត្ត និងឥតគិតថ្លៃ នៅមន្ទីរពេទ្យបង្អែកខេត្តកំពត។ មានប្រសាសន៍សំណេះសំណាល ឯកឧត្តម ជាវ តាយ អភិបាលខេត្ត បានលើកបញ្ជាក់ថា សម្ដេចតេជោ ហ៊ុនសែន ប្រមុខរាជរដ្ឋាភិបាលកម្ពុជា និងជាប្រធានសមាគមអតីតយុទ្ធជនកម្ពុជា និងសម្ដេចកិត្តិព្រឹទ្ធបណ្ឌិតប៊ុនរ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចកាលសម្ដេចទាំងទ្វេ តែងតែបាននឹកដល់គុណបំណាច់របស់បងប្អូនអតីតយុទ្ធជន និងគ្រួសារអតីតយុទ្ធជន មិនដែលបំភ្លេចពេលណាឡើយ។ ដោយផ្អែកលើគុណបំណាច់ដែលមិនអាចបំភ្លេចបាននេះហើយ ស្ថិតក្នុងស្ថានភាពបច្ចុប្បន្នដែលប្រទេសកម្ពុជាយើង និងពិភពលោកទាំងមូលបានកំពុងរងការយាយីដោយ ជំងឺកូវីដ១៩ ដែលជាជំងឺកាចសាហាវមិនទាន់មានថ្នាំព្យាបាលនៅឡើយ។ សម្ដេចតេជោ ហ៊ុន សែន ប្រមុខរាជរដ្ឋាភិបាល បានខិតខំស្វះស្វែងរកជំនួយ និងការទិញវ៉ាក់សាំងដើម្បីចាក់ជូនប្រជាពលរដ្ឋដោយឥតគិតថ្លៃ ជាក់ស្ដែងថ្ងៃនេះបងប្អូនអតីតយុទ្ធជន និងក្រុមគ្រួសារអតីតយុទ្ធជន ក៏ត្រូវបានសម្ដេចតេជោ ហ៊ុន សែន យកចិត្តទុកដាក់ក្នុងក្របខ័ណ្ឌទូទាំងប្រទេសសម្រាប់ផ្ដល់ជូនវ៉ាក់សាំងការពារជំងឺកូវីដ១៩ […]

ព័ត៌មានជាតិ

ថ្នាក់ដឹកនាំខេត្តព្រៃវែង អញ្ជើញចុះត្រួតពិនិត្យទីតាំងចាក់វ៉ាក់សាំងការពារជំងឺកូវីដ-១៩ ជូនដល់អតីតយុទ្ធជនជាសមាជិកសមាគមអតីតយុទ្ធជនកម្ពុជាខេត្ត

ថ្ងៃសៅរ៍ ទី១០ ខែមេសា ឆ្នាំ២០២១ ឯកឧត្ដម​ ជា​ សុមេធី​ អភិបាលខេត្តព្រៃវែង​ និងអភិបាលរងខេត្ត ព្រមទាំងអាជ្ញាធរមូលដ្ឋាន និងមន្ទីរអង្គភាពពាក់ព័ន្ធ ជាពិសេស មន្ទីរសុខាភិបាល កងកម្លាំងទាំងបី បានចុះត្រួតពិនិត្យទីតាំងចាក់វ៉ាក់សាំងការពារជំងឺកូវីដ-១៩ ជូនដល់អតីតយុទ្ធជនជាសមាជិកសមាគមន៍អតីតយុទ្ធជនកម្ពុជាខេត្តព្រៃវែង ដែលប្រព្រឹត្តទៅនៅមន្ទីរពេទ្យខេត្តព្រៃវែង។ តាមអនុសាសន៍ណែនាំ និងបទបញ្ជាដ៍ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តម្រូវអោយមានការរៀបចំកន្លែងចាក់វ៉ាកសាំងជូនសមាជិកសមាគមន៍អតីតយុទ្ធជនកម្ពុជាខេត្តព្រៃវែង ដែលនេះបានគូសបញ្ជាក់ពីការយកចិត្តទុកដាក់ខ្ពស់របស់សម្តេចតេជោ ហ៊ុន សែន ក្នុងការការពារអាយុជីវិតពលរដ្ឋ និងអតីតយុទ្ធជន ដើម្បីអោយបានចៀសផុតពីជំងឺឆ្លងកូវីដ១៩ ដ៏កាចសាហាវដែលកំពុងកើតមានឡើងនៅក្នុងប្រទេសកម្ពុជា។ ទន្ទឹមនឹងនេះ ឯកឧត្ដម​ អភិបាល​ខេត្ត​ បានសង្កេតឃើញថា អតីតយុទ្ធជនទៅចាក់វ៉ាក់សាំងសុទ្ធតែបានបង្ហាញទឹកមុខរីករាយជាមួយនឹងការទទួលបានឱកាសចាក់វ៉ាក់សាំងនេះ ព្រោះថាវ៉ាក់សាំងកូវីដ១៩នេះ មានតម្លៃណាស់សម្រាប់ការពារអាយុជីវិតរបស់ពួកគាត់ ដែលខុសគ្នាពីការធ្វើសង្រ្គាមលើសមរភូមិដែលយើងអាចដឹង និងមើលឃើញទីតាំងសត្រូវ។ ជាទីបញ្ចប់ ឯកឧត្ដម​ អភិបាល​ខេត្ត​ សូមជូនពរថ្នាក់ដឹកនាំអាជ្ញាធរមូលដ្ឋាន លោកគ្រូ អ្នកគ្រូពេទ្យនៅជួរមុខទាំងអស់ កងកម្លាំងប្រដាប់អាវុធ និងសហការី ជាពិសេសបងប្អូនសមាជិកសមាគមន៍អតីតយុទ្ធជនកម្ពុជាខេត្តព្រៃវែងទាំងអស់ ជួបនឹងពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងជៀសផុតពីជំងឺដ៍កាចសាហាវមួយនេះ៕

ព័ត៌មានជាតិ

ឯកឧត្តម វ៉ី សំណាង អភិបាលខេត្តកំពង់ស្ពឺ អញ្ជើញចុះផ្សព្វផ្សាយអប់រំណែនាំស្ដីពីវិធានការការពារទប់ស្កាត់ជំងឺឆ្លងកូវីដ-១៩ ដល់ប្រជាពលរដ្ឋ និងអាជីវករក្នុងក្រុងច្បារមន

កំពង់ស្ពឺ៖នាព្រឹកថ្ងៃទី៩ ខែមេសា ឆ្នាំ២០២១ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានអញ្ជើញចុះធ្វើយុទ្ធនាការផ្សព្វផ្សាយ អប់រំណែនាំស្ដីពីវិធានការការពារទប់ស្កាត់ជំងឺឆ្លងកូវីដ-១៩ របស់រាជរដ្ឋាភិបាលកម្ពុជា (៣កុំ ៣ការពារ) ក្រសួងសុខាភិបាល និងបទបញ្ញត្តិរបស់ក្រសួងយុត្តិធម៌ជូនដល់បងប្អូន ប្រជាពលរដ្ឋ អាជីវករ នៅតាមផ្ទះ ទីសាធារណ: អ្នកដំណើរតាមរថយន្ត ក្នុងផ្សារ និងនៅតាមទីតាំងអាជីវកម្ម ឱសថស្ថាន តាមមូលដ្ឋាននានាក្នុងក្រុងច្បារមន តាមរយ:ខិតប័ណ្ណអប់រំស្ទិកគ័រ សារាចរណ៍ណែនាំ បទដ្ឋាននានា ។ បន្ថែមពីនោះ ឯកឧត្តម អភិបាលខេត្ត បានអំពាវនាវបន្ថែមដល់អាជ្ញាធរមានសមត្ថកិច្ច និងបងប្អូនប្រជាពលរដ្ឋទាំងអស់ សូមបន្តផ្សព្វផ្សាយ និងអនុវត្តតាមវិធានការនានារបស់ រាជរដ្ឋាភិបាល ក៏ដូចជាក្រសួងសុខាភិបាលឱ្យត្រឹមត្រូវ។ ជាងនេះទៅទៀត សូមបន្តផ្ដល់កិច្ចសហការជាមួយអាជ្ញាធរដែនដីក្នុងករណីមានបងប្អូនណាដែលជាប់ព័ន្ធដោយផ្ទាល់ ឬដោយប្រយោលក្នុងព្រឹត្តិការណ៍សហគមន៍ ២០កុម្ភៈ ដើម្បីចូលរួមទប់ស្កាត់ការរីករាលដាលនៃជម្ងឺកូវីដ១៩នេះ៕

ព័ត៌មានជាតិ

ឯកឧត្តម ជាវ តាយ អភិបាលខេត្តកំពត ទទួលជំនួយឧបត្ថម្ភពីសប្បុរសជន ក្នុងគោលដៅរួមចំណែកប្រយុទ្ធប្រឆាំងជំងឺកូវីដ-១៩

ព្រឹក.ថ្ងៃសុក្រ ទី០៩ ខែមេសា ឆ្នាំ២០២១ ឯកឧត្តម ជាវ តាយ អភិបាលនៃគណៈអភិបាលខេត្តកំពត និងជាប្រធានគណៈកម្មការប្រយុទ្ធប្រឆាំងនឹងជម្ងឺកូវីដ-១៩ខេត្ត ព្រមទាំងអភិបាលរងខេត្ត និងថ្នាក់ដឹកនាំសាលាខេត្តកំពត បានទទួលជំនួយឧបត្ថម្ភសប្បុរសធម៌ពីក្រុមហ៊ុនហុងដាស្រីអូនខេត្តកំពត រួមមាន ម៉ាសចំនួន៥០០០ម៉ាស ទឹកអាកុល៦០លីត្រ និងថវិកា ចំនួន១០០០ដុល្លា ដើម្បីជួយក្នុងគោលដៅ រួមចំណែកប្រយុទ្ធប្រឆាំងជំងឺកូវីដ១៩។ ក្នុងឱកាសនោះឯកឧត្តម ជាវ តាយ អភិបាលខេត្ត បានចាត់ទុកអំណោយទាំងអស់នេះ ពិតជាមានសារៈសំខាន់ក្នុងការឆ្លើយតបទៅនឹងស្ថានភាពបច្ចុប្បន្ន ដែលរាជរដ្ឋាភិបាលក៏ដូចជារដ្ឋបាលខេត្តបាននឹងកំពុងព្រួយបារម្ភ និងយកចិត្តទុកដាក់ ក្នុងការប្រយុទ្ធប្រឆាំងជំងឺកូវីដ១៩ ស្របពេលដែលជម្ងឺដ៏កាចសាហាវមួយនេះ កំពុងគម្រាមកំហែងដល់អាយុជីវិតប្រជាពលរដ្ឋកម្ពុជា ក៏ដូចជាប្រជាពលរដ្ឋនៅក្នុងពិភពលោក។ ឯកឧត្តម អភិបាលខេត្តក៏បានថ្លែងអំណរគុណ ចំពោះលោក ហាន ម៉េងលី និងលោកស្រី ផូវ សោភ័ណ្ឌ ជាសប្បុរសជនម្ចាស់ហាងលក់ម៉ូតូហុងដា ស្រីអូនខេត្តកំពត ដែលតែងតែចូលរួមចំណែកឧបត្ថម្ភសម្ភារៈ និងថវិកា ដល់រដ្ឋបាលខេត្តកំពតនាពេលនេះនិងពេលកន្លងទៅ ដើម្បីរួមចំណែកជាមួយរាជរដ្ឋាភិបាលក៏ដូចជារដ្ឋបាលខេត្តកំពតដែលកំពុងតម្រូវការចាំបាច់ ជួយដល់ប្រជាពលរដ្ឋ ដែលកំពុងធ្វើចត្តាឡីស័កនៅមណ្ឌលចត្តាឡីស័ករបស់រដ្ឋបាលខេត្ត ក្នុងគោលដៅរួមចំណែកបង្ការទប់ស្កាត់ការឆ្លងរីករាលដាលនៃជំងឺកូវីដ-១៩ ក្នុងខេត្ត។ ឯកឧត្តមក៏បានបញ្ជាក់ផងដែរថា អំណោយទាំងអស់នេះ ឯកឧត្តមនឹងចាត់បញ្ជូនឲ្យដល់គោលដៅសំខាន់ៗក្នុងខេត្ត ជាពិសេស ឃុំសង្កាត់ទាំង៩៣ នៃក្រុង […]

ព័ត៌មានជាតិ

ថ្នាក់ដឹកនាំខេត្តកំពង់ឆ្នាំង អញ្ជើញចុះពិនិត្យតំបន់ត្រួតពិនិត្យរវាងព្រំប្រទល់ខេត្តនីមួយៗ ដែលជាប់និងខេត្តកំពង់ឆ្នាំង

កំពង់ឆ្នាំង៖ ដើម្បីអនុវត្តតាមសេចក្តីសម្រេចរបស់រាជរដ្ឋាភិបាល ក្នុងការហាមឃាត់មិនឱ្យមានការឆ្លងកាត់ពីខេត្តមួយទៅខេត្តមួយ ឱ្យមានប្រសិទ្ធភាពខ្ពស់នោះ នៅថ្ងៃទី៧ ខែមេសា ឆ្នាំ២០២១នេះ ឯកឧត្តម សាន់ យូ អភិបាលរងខេត្ត លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង លោក ឆាយ លាភា ប្រធានមន្ទីរសាធារណការ និងដឹកជញ្ជូនខេត្តពង់ឆ្នាំង អញ្ជើញចុះពិនិត្យ នៅតំបន់ត្រួតពិនិត្យ រវាងព្រំប្រទល់ខេត្តនីមួយៗជាប់នឹងខេត្តកំពង់ឆ្នាំង ជាប់នឹងព្រំប្រទល់ជាមួយនឹងខេត្តកំពង់ស្ពឺ កណ្តាល និងខេត្តពោធិ៍សាត់ តាមផ្លូវជាតិលេខ៥ និងបានឧបត្ថម្ភ សម្ភារ និងថវិកាដល់គោលដៅប្រចាំការ។   គូសបញ្ជាក់ជូនផងដែរថាៈ សេចក្តីសម្រេច នៃការហាមឃាត់ការធ្វើដំណើរឆ្លងកាត់ ចេញ-ចូល ពីខេត្តមួយទៅខេត្តមួយជាបណ្តោះអាសន្ន នេះគឺមានរយៈ ពេល ១៤ (ដប់បួន) ថ្ងៃ គិតចាប់ពីម៉ោងសូន្យនៃថ្ងៃទី៧ ខែមេសា ឆ្នាំ២០២១ រហូតដល់ថ្ងៃទី២០ ខែមេសា ឆ្នាំ២០២១ ក្នុងគោលបំណងប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ-១៩ ពីភូមិសាស្ត្រនៃខេត្តមួយ ទៅភូមិសាស្ត្រនៃខេត្តមួយទៀត។ ហើយរមណីយដ្ឋានទេសចរណ៍នៅទូទាំងប្រទេសត្រូវបិទជាបណ្តោះអាសន្ន។   ចំពោះករណីហាមឃាត់នេះ ក៏មានករណីលើកលែង៖ ចំពោះករណីដឹកជញ្ជូនទំនិញគ្រប់ប្រភេទ […]

ព័ត៌មានជាតិ

ឧត្តមសេនីយ៍ឯក រ័ត្ន ស្រ៊ាង ចែកអាហារបំប៉ន ជូនដល់ នាយទាហាន-នាយទាហានរង និងពលទាហាន ចំណុះអង្គភាព កងរាជអាវុធហត្ថរាជធានីភ្នំពេញ ជាលើកទី២!

ភ្នំពេញ៖បន្ទាប់ពីបានធ្វើការចែកជូននូវ ទឹកក្រូចដប និង មី ជាច្រើនពាន់កេស ដល់កម្លាំងក្រោមឱវាទ ជាអំណោយអបអរចូលឆ្នាំថ្មី ម្តងរួចកាលពីថ្មីៗកន្លងមក នារសៀលថ្ងៃទី០៧ ខែមេសា ឆ្នាំ២០២១ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ បានចែកបន្ថែមជាលើកទី២ នូវអាហារបំប៉ន មាន ម្សៅទឹកដោះគោ និងស្ករគ្រាប់ ដែលជាអំណោយរបស់សប្បុរសជន ដល់ប្រធានមន្ទីរ និងមេបញ្ជាការមូលដ្ឋានកងរាជអាវុធហត្ថខណ្ឌទាំង១៤ យកទៅចែកជូនបន្តដល់ បងប្អូននាយទាហាន-នាយទាហានរង និងពលទាហាន នៃកងរាជអាវុធហត្ថរាជធានីភ្នំពេញ ទៅតាមចំនួនទ័ពដែលខ្លួនគ្របគ្រង់រៀងៗខ្លួន ឲ្យបានគ្រប់ៗគ្នា ដើម្បីជាការបំពេញបន្ថែមនូវការហូបចុក ឆ្លើយតបទៅនឹង ការហត់នឿយហត់ របស់កងកម្លាំង ដែលកំពុងមមាញឹក ក្នុងការបំពេញបេសកកម្ម ការពារតាមគោលដៅ ធ្វើចត្តាឡីស័ក និងព្យាបាលអ្នកជំងឺកូវីដ-១៩ ជាពិសេសមមាញឹក ក្នុងការចូលរួមត្រួតពិនិត្យបម្រាមគោចរ ពីម៉ោង០៨.០០យប់ ដល់ម៉ោង ០៥.០០ទៀបភ្លឺ តាមសេចក្តីប្រកាសរបស់សាលារាជធានីភ្នំពេញ។ ក្នុងឱកាសនេះផងដែរ លោកឧត្តមសេនីយ៍ឯក រ័ត្ន ស៊្រាង បានផ្សព្វផ្សាយនូវខ្លឹមសារសេចក្តីសម្រេចរបស់រាជរដ្ឋាភិបាល ស្តីពីការហាមឃាត់ការធ្វើដំណើរ និងការបិទរមណីយដ្ឋានទេសចរណ៍ នៅទូទាំងប្រទេសជាបណ្តោះអាសន្នដើម្បីទប់ស្កាត់ នូវការឆ្លងរាលដាលនៃជំងឺកូវីដ-១៩, […]

ព័ត៌មានជាតិ

រាជរដ្ឋាភិបាល ចេញសេចក្តីសម្រេចស្តីពីការហាមឃាត់ការធ្វើដំណើរ និងការបិទរមណីយដ្ឋានទេសចរណ៍នៅទូទាំងប្រទេស ជាបណ្តោះអាសន្នដើម្បីទប់ស្កាត់ការឆ្លងរាលនៃជំងឺកូវីដ-១៩

រាជរដ្ឋាភិបាលកម្ពុជា បានចេញសេចក្តីសម្រេចស្តីពីការហាមឃាត់ការធ្វើដំណើរឆ្លងកាត់ចេញ-ចូល ពីខេត្តមួយ ទៅខេត្តមួយ និងការបិទរមណីយដ្ឋានទេសចរណ៍នៅទូទាំងប្រទេស ជាបណ្តោះអាសន្ន ក្នុងរយៈពេល១៤ថ្ងៃ គឺចាប់ពីថ្ងៃទី៧ រហូតដល់ថ្ងៃ២០ ខែមេសា ឆ្នាំ២០២១ ក្នុងគោលបំណងប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ-១៩ ពីភូមិសាស្ដ្រនៃខេត្តមួយ ទៅភូមិសាស្ដ្រនៃខេត្តមួយទៀត។   ដោយឡែក សម្រាប់ភូមិសាស្ដ្ររាជធានីភ្នំពេញ និងខេត្តកណ្ដាល ត្រូវបានចាត់ទុកជាតំបន់តែមួយដែលមិនស្ថិតនៅក្រោមវិសាលភាព នៃការហាមឃាត់ការធ្វើដំណើរឆ្លងកាត់ ចេញ-ចូល ទៅវិញទៅមកនោះទេ។   តាមសេចក្ដីសម្រេចនេះផងដែរ រាជរដ្ឋាភិបាល ក៏បានប្រគល់ភារកិច្ចជូន អភិបាលនៃគណៈអភិបាលរាជធានី-ខេត្តទាំងអស់ ឲ្យអនុវត្តវិធានការនេះប្រកបដោយប្រសិទ្ធភាព។ បន្ថែមពីនេះ គណៈអភិបាលរាជធានី-ខេត្ត មានសមត្ថកិច្ច ក្នុងការសម្រេចដាក់ចេញវិធានការគ្រប់គ្រង រឹតត្បិត ឬហាមឃាត់ការធ្វើដំណើរ ដោយអនុលោមតាមគោលការណ៍ដែលមានចែងនៅក្នុងសេចក្តីសម្រេច និងបទប្បញ្ញត្តិពាក់ព័ន្ធជាធរមាន សម្រាប់ភូមិសាស្ត្ររាជធានី ខេត្តរបស់ខ្លួន។   ជាងនេះទៅទៀត ក្នុងរយៈពេលពីរសប្តាហ៍នេះ គណៈអភិបាលរាជធានី ខេត្ត ត្រូវចាត់វិធានការចាំបាច់នានា ក្នុងភូមិសាស្ត្ររាជធានី ខេត្តរបស់ខ្លួន សំដៅគ្រប់គ្រង និងធានាសន្តិសុខ សុវត្ថិភាព និងសណ្តាប់ធ្នាប់សាធារណៈឱ្យបានល្អប្រសើរ ព្រមទាំងធានានូវការគោរព និងអនុវត្តវិធានការសុខាភិបាល បង្ការ និងទប់ស្កាត់ការឆ្លងរាលដាលនៃជំងឺកូវីដ-១៩ ដោយម៉ត់ចត់ […]

ព័ត៌មានជាតិ

ឯកឧត្តមវេ​ង​សាខុនបា​នទទួលជួប​នាយិកាទីភ្នាក់ងា​​របារាំងសម្រាប់​ការអភិវឌ្ឍន៍​(AFD)ប្រ​ចាំ​កម្ពុជា

នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង ៩ព្រឹក ថ្ងៃពុធ ១០រោច ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី៧ ខែមេសា ឆ្នាំ២០២១ ឯកឧត្តមរដ្ឋមន្រ្តី វេង សាខុន បានទទួលជួបលោកស្រី Ophelie Bourhis នាយិកាទីភ្នាក់ងារបារាំងសម្រាប់ការអភិវឌ្ឍន៍ (AFD) ប្រចាំនៅព្រះរាជាណាចក្រកម្ពុជា និងសហការីដើម្បីសម្តែងការគួរសម និងពិភាក្សាការងារ។ ជំនួបនាព្រឹកនេះមានគោលបំណងដើម្បីពិភាក្សាការងារនិងរាយការណ៍ជូនអំពីលទ្ធផលនៃការអនុវត្តគម្រោង។ ក្នុងនាមរាជរដ្ឋាភិបាលកម្ពុជា និងក្រសួង កសិកម្ម រុក្ខាប្រមាញ់ និងនេសាទ ឯកឧត្តមរដ្ឋមន្ត្រីតាមរយ:លោកស្រី បានថ្លែងអំណរ គុណជូនចំពោះរដ្ឋាភិបាល និងប្រជាជនបារាំង តាមរយ:ទីភ្នាក់ងារ AFD ដែលបានបន្តជួយអភិវឌ្ឍន៍កម្ពុជាឲ្យមានការរីកចម្រើនជាបន្តបន្ទាប់ ក្នុងនោះមានវិស័យកសិកម្មផងដែរ។ ជាក់ស្តែងក្នុងរយៈបីឆ្នាំចុងក្រោយនេះ AFD បាននិងកំពុងចូលរួមផ្តល់សហហិរញ្ញប្បទានជាមួយដៃគូអភិវឌ្ឍន៍ដ៏ទៃទៀត ក្នុងគម្រោងចំនួន ៥ ដែលមានទឹកប្រាក់សរុបចំនួន ១៤១,៥ លានអ៊ឺរ៉ុ ។ ក្នុងចំណោមគម្រោងទាំងប្រាំ មានគម្រោងចំនួន ៣ ដែលក្រសួងបាននិងកំពុងអនុវត្តគឺ៖ ទី១- ការចម្រុញកំណើនវិស័យកសិកម្មនៅកម្ពុជាដោយចិរភាព […]

ព័ត៌មានជាតិ

ក្រសួងសុខាភិបាលក្រើនរំឭកទៅដល់ម្ចាស់សេវាពិនិត្យព្យាបាលជំងឺឯកជនក្នុងការអនុវត្តន៍វិធាន​ការក្នុងការទប់ស្កា​ត់ការឆ្លងរាលដាល​នៃជំងឺកូវីដ-១៩

ក្រសួងសុខាភិបាលជម្រាបមកលោកលោកស្រីជាម្ចាស់សេវាពិនិត្យព្យាបាលជំងឺឯកជនទាំងអស់ ស្តីពីការក្រើនរំឭកចុងក្រោយទៅដល់គ្រប់ម្ចាស់សេវាពិនិត្យព្យាបាលជំងឺឯកជនទាំងអស់ ក្នុងការអនុវត្តវិធានការក្នុងការទប់ស្កាត់ការឆ្លងរាលដាលនៃជំងឺកូវីដ-១៩ ។យោងព្រះរាជក្រមលេខ នស/រកម/០៣២១/០០៤ ចុះថ្ងៃទី ១១ ខែមីនា ឆ្នាំ២០២១ ប្រកាសឱ្យប្រើច្បាប់ស្តីពីវិធានការទប់ស្កាត់ ការឆ្លងរាលដាលនៃជំងឺកូវីដ-១៩និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត។ អនុក្រឹត្យលេខ៣៧អនក្រ.បកចុះទី១២ខែមីនាឆ្នាំ២០២១ស្តីពីវិធានការសុខាភិបាលដើម្បីទប់ស្កាត់ការឆ្លងរាល ដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត។-លិខិតលេខ ១០៣ អបស .មព ចុះទី២៥ ខែធ្នូ ឆ្នាំ២០២០ ស្តីពីការជំរុញកិច្ចសហការពីម្ចាស់សេវាពិនិត្យព្យាបាល ជំងឺឯកជន ក្នុងការបញ្ជូនអ្នកសង្ស័យជំងឺកូវីដ-១៩ ពីមូលដ្ឋានខ្លួនទៅមន្ទីរពេទ្យរដ្ឋនៅទូទាំងខេត្ត និងមន្ទីរពេទ្យ មិត្តភាពខ្មែរ-សូវៀតនៅរាជធានីភ្នំពេញ។សេចក្តីដូចមានចែងក្នុងកម្មវត្ថុ និងយោងខាងលើនេះ ក្រសួងសុខាភិបាលសូមជម្រាបជូន លោក លោកស្រីដែលជាម្ចាស់សេវាពិនិត្យព្យាបាលជំងឺឯកជនទាំងអស់ ឱ្យបានជ្រាបថា រយៈកាលកន្លងមក ក្រសួងសុខាភិបាលបានធ្វើសេចក្តី ណែនាំរួចមកហើយ ស្ដីអំពីវិធានការក្នុងការទប់ស្កាត់ការឆ្លងរាលដាលនៃជំងឺកូវីដ-១៩ ជាពិសេស គឺហាមមិនអនុញ្ញាតឱ្យកន្លែងពិនិត្យព្យាបាលជំងឺឯកជនធ្វើការពិនិត្យព្យាបាលអ្នកជំងឺដែលសង្ស័យថាជាជំងឺកូវីដ-១៩ជាដាច់ខាត។ដើម្បីទប់ស្កាត់កុំឱ្យមានការរាលដាលនៃជំងកូវីដ-១៩ទ្រង់ទ្រាយធំនៅក្នុងសហគមន៍។ក្រសួងសុខាភិបាលសូមធ្វើការក្រើនរំឭកជាចុងក្រោយចំពោះ លោក លោកស្រី ដែល ជាម្ចាស់សេវាពិនិត្យព្យាបាលជំងឺឯកជនទាំងអស់ ចូលរួមសហការពង្រឹងបន្ថែមទៀត ក្នុងការអនុវត្តវិធានការក្នុងការទប់ស្កាត់ការឆ្លងរាលដាលនៃវីរុសកូដ-១៩ ទៅក្នុងសហគមន៍ ដោយអនុវត្តឱ្យបានខ្ជាប់ខ្ជួននូវគោលការណ៍ណែនាំ។

ព័ត៌មានជាតិ

សម្តេចហ៊ុនសែ​នណែនាំឱ្យក្រសួង​សុខា​ភិបាលនិងអ្នកពាក់​ព័ន្ធគិតគូរនិ​ងរៀបចំទុកជាមុនពីលទ្ធភាពព្យាបាលនៅតាម​ផ្ទះសម្រាប់​អ្នកជំងឺកូវីដ​-១៩ដែលមានស្ថាន​ភាពស្រាល

សម្តេចហ៊ុន សែននាយករដ្ឋមន្ត្រីនៃកម្ពុជាបានចេញសារណែនាំមួយដោយឱ្យក្រសួងសុខាភិបាល និងអ្នកពាក់ព័ន្ធគិតគូរនិងរៀបចំទុកជាមុនពីលទ្ធភាពផ្តល់ការព្យាបាលនៅតាមផ្ទះសម្រាប់អ្នកជំងឺកូវីដ-១៩ ដែលមានស្ថានភាពស្រាល។បើតាមសារសំឡេងដែលត្រូវាបានចែកចាយលើបណ្តាញសង្គមនាព្រឹកថ្ងៃទី០៦ខែមេសាសម្តេចហ៊ុនសែនបានចាត់ទុកនេះគឺជាការគិតគូរនិងជាការរៀបចំផែនការទុកជាមុនក្នុងករណីអ្នកជំងឺកើនឡើងកាន់តែច្រើនហើយមិនអាចមានទីតាំងសម្រាប់ព្យាបាល។សម្តេចបានបញ្ជាក់ថា«ឥឡូវនេះយើងត្រូវព្យាករសភាពការណ៍ជាមុនអំពីសមត្ថភាពទ្រទ្រង់បាននៃមន្ទីរពេទ្យរបស់យើង។ បើសិនជំងឺមិនថមថយទេនោះគឺមន្ទីរពេទ្យរបស់យើងនឹងពេញហៀរជោរជន់ទៅដោយអ្នកជំងឺទាំងស្រាលទាំងធ្ងន់។ដូច្នេះយើងត្រូវតែមានការរៀបចំមួយដោយយកវិធីសាស្ត្រតាមបណ្តាប្រទេសដែលមានអ្នក ជំងឺច្រើនរាប់ទាំងនៅអាមេរិក នៅបារាំង នៅអឺរ៉ុប និងប្រទេសមួយចំនួនទៀត ដែលមានអ្នក ជំងឺលើសពីចំនួនពេទ្យដែលអាចទទួលបាន»។សម្តេចហ៊ុនសែនបានបន្តថា «ខ្ញុំស្នើឱ្យក្រុមការងាររបស់យើងរៀបចំនូវក្រុមប្រតិបត្តិព្យាបាលនៅតាមផ្ទះឱ្យហើយស្រេច ហើយដល់ពេលណាមួយយើងត្រូវពិនិត្យអំពីលទ្ធភាព ក្នុងការទទួលយកមកព្យាបាលនៅមន្ទីរពេទ្យ និងទុកសម្រាប់ព្យាបាលនៅតាមផ្ទះ។ យើងមិនអាចទទួលអស់ទេ ក្នុងករណីមានការកើនឡើងថែមទៀត អ្នកជាតិច អ្នកចូលច្រើន។ ទោះបីយើងរៀបចំមន្ទីរពេទ្យប៉ុន្មានទៀតក៏មិនគ្រប់ដែរ អ៊ីចឹងវិធីដោះស្រាយមានតែទុកអ្នកមានវិជ្ជមានកូវីដ-១៩។ ប៉ុន្តែស្រាលទុកព្យាបាលនៅតាមផ្ទះទៅវិញ ប៉ុន្តែត្រូវមានការវិនិច្ឆ័យឱ្យបានច្បាស់»។បើតាមសម្តេចសម្រាប់អ្នកព្យាបាលនៅតាមផ្ទះត្រូវតែមានស្ថានភាពជំងឺស្រាល និងមានផ្ទះសមរម្យដែលអាចព្យាបាលបាន។ មួយវិញទៀតបើផ្ទះរបស់អ្នកជំងឺមានទំហំតូច អាចឆ្លងរៀលដាលទៅក្រុមគ្រួសារត្រូវយកទៅមន្ទីរពេទ្យ។សម្តេចហ៊ុន សែន បានប៉ាន់ប្រមាណថា យ៉ាងហោចណាស់អាចមានអ្នកជំងឺ៥០ភាគរយដែលមានស្ថានភាពស្រាលហើយចង់ព្យាបាលនៅតាមផ្ទះ។ទន្ទឹមនឹងការគិតគូរពីលទ្ធភាពឱ្យអ្នកជំងឺកូវីដ-១៩ព្យាបាលតាមផ្ទះសម្តេចក៏បានណែនាំឱ្យគិតគូរពីការគ្រប់គ្រងអ្នកជំងឺ ពីការទៅព្យាបាលរបស់គ្រូពេទ្យ ព្រមទាំងការ ឧបត្ថម្ភជាថវិកានិងចំណីអាហារផ្សេងផងដែរ។ រហូតដល់ម៉ោង​១០:២០​ព្រឹក​​​​​ថ្ងៃទី៦មេសា២០២១​យើងរកឃើញករណីជំងឺកូវីដ-១៩​សរុបចំនួន​ ៧២នាក់​ (ឆ្លងសហគមន៍ទាំងអស់:​៧១​និងនាំចូល​:​១នាក់)និងមានជាសះស្បើយ​៤៧នាក់។ ដូច្នេះចំនួនករណីជំងឺកូវីដ-១៩សរុប​កើន​២៨២៤នាក់​​​​​​​​​​​​​​ចំនួនសំរាកពេទ្យ១០០៣នាក់​​​​ និងចំនួនជាសះស្បើយសរុប​កើន១៧៩៤នាក់​​​​​​​​​​​​​​​​​និងស្លាប់ថ្មី​១នាក់​សរុប​ស្លាប់២២នាក់ ។ជំងឺកូវីដ-១៩​ នៅតែបន្តគម្រាមកំហែងយើងជាប់ជានិច្ច​ សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ​ នៅឃ្លាតឆ្ងាយពីគ្នា​មិនចេញក្រៅផ្ទះបើមិនចាំបាច់​ ព្រោះប្រទេសយើងកំពុងរាត្បាតក្នុងសហគមន៍​ហើយ​ និងប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩​ដ៏ខ្លាំងក្លានៅឡើយ​ ។ យើងត្រូវបន្តគម្លាតបុគ្គលបន្តទៀត​ ដូចជា​អង្គុយគម្លាតពីគ្នា​ ឈររង់ចាំគម្លាតពីគ្នា​ ឈរជជែកគ្នាគម្លាតពីគ្នា​ ។ ល។យើងត្រូវបន្តពាក់ម៉ាសជាប់ជានិច្ចនិងឧស្សាហ៍លាងដៃជាមួយសាប៊ូ​ អាល់កុល​ ឬជែល​ ។ សូមបញ្ជាក់ថា​ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ […]