បាត់ដំបង៖មុខរបរចិញ្ចឹមក្រពើក្នុងស្ថានភាពទីផ្សារធំមានបញ្ហាទំនាក់ទំនងនិងវិបត្តិកូវីដ.១៩។លោកហេងខុនជាពលរដ្ឋចំណូលថ្មីរស់នៅក្នុងភូមិស្លាកែតក្រុងបាត់ដំបងខេត្តបាត់ដំបងបានរៀបរាប់ឱ្យដឹងកាលពីថ្ងៃទី២០ខែកក្កដាឆ្នាំ២០២០ថា៖ហេតុផលនៃការចាប់យកមុខរបរចិញ្ចឹមក្រពើនេះដំបូងគ្រួសារលោកដោយសារការបំពេញកាតព្វកិច្ចបន្តវេនពីឳពុកបែបលក្ខណៈគ្រួសារនៅលើផែបឹងទន្លេសាប។ប៉ុន្តែក្រោយមកលោកបានកែប្រែការចិញ្ចឹមពីលើផែដែនទឹកមកចិញ្ចឹមនៅតំបន់ដែនគោកវិញ។
ក្នុងដំណាក់កាលចិញ្ចឹមផ្តាច់មុខផ្ទាល់ខ្លួនរបស់លោកពីមួយឆ្នាំទៅមួយឆ្នាំកាន់តែមានលក្ខណៈល្អប្រសើរភាពជោគជ័យរយៈពេលជាង៣០ឆ្នាំមកនេះបានជម្រុញឱ្យលោកពង្រីកទំហំកសិដ្ឋានបង្កើនចិញ្ចឹមក្រពើធំរហូតដល់ជាង១.០០០ក្បាល។ក្នុងនោះក្រពើមេមានចំនួនជាង៧០០ក្បាលនិងក្រពើឈ្មោលមានចំនួន៣០០ក្បាល។
ការចិញ្ចឹមភ្ញាស់លក់កូននេះក្នុងមួយលើកស្មើនិងមួយឆ្នាំក្រពើមេក្នុងមួយក្បាលពងបានចាប់ពី២០ ដល់៣០ក្បាល។ដូចនេះក្នុងមួយឆ្នាំលោកទទួលបានកូនក្រពើសរុបចាប់ពី៩.០០០ទៅដល់១០.០០០ក្បាល។រីឯទីផ្សារធំទូលាយក្រពើញាស់ភ្លាមមានម៉ូយបញ្ជាទិញភ្លាមអស់ៗ។
ចំពោះកូនក្រពើមួយក្បាលលក់បានតម្លៃពី២២ទៅ២៣ដុល្លាអាមេរិកទូទាត់សេវាកម្មករ។ការចំណាយលើចំណីរាប់សិបតោនក្នុងមួយឆ្នាំៗអាចផ្តល់ប្រាក់ចំណូលបានច្រើនសមរម្យបានផ្លាស់ប្តូរកម្រិតជីវភាពគ្រួសាររបស់លោកឱ្យប្រសើរឡើងជាបន្តបន្ទាប់។
បើទោះបីជាបែបនេះក្តីវិបត្តិសេដ្ឋកិច្ចពិភពលោករយៈពេល៣ឆ្នាំចុងក្រោយនេះបានធ្វើឱ្យទីផ្សារក្រពើធ្លាក់ចុះយ៉ាងខ្លាំងនឹកស្មានមិនដល់។ពិសេសនៅក្នុងឆ្នាំ២០២០នេះកូនក្រពើចាប់ផ្តើមលែងមានទីផ្សារនិងគ្មានលំនឹង។កូនក្រពើមួយក្បាលលក់បានតម្លៃត្រឹមតែជាង១ដុល្លារអាមេរិកប៉ុណ្ណោះធ្វើឱ្យអ្នកចិញ្ចឹមដែលធ្លាប់ជោគជ័យបែរជាខកចិត្តព្រោះបង់ខាតថវិកាជាច្រើនទូទាត់តែលើសេវាកម្មករនិងចំណីក៏មិនរួចខ្លួនផង។
លោកហេងខុនចុងក្រោយបានអំពាវដល់ក្រសួងឬមន្ទីរដែលពាក់ព័ន្ធទាំងអស់ជួយជំរុញនិងជួយរកទីផ្សារឱ្យពួកគាត់ផងពុំនោះទេប្រជាពលរដ្ឋអាចប្រឈមនឹងការបាត់បង់ប្រាក់ចំណូលឬក៏បោះបង់មុខរបរបុរាណខាងលើនេះជាក់ជាមិនខាន។
ចំណែកលោកជួងសុភានាយខណ្ឌជលផលបាត់ដំបងបានបញ្ជាក់ឱ្យដឹងថា៖បច្ចុប្បន្នក្នុងខេត្តបាត់ដំបងប្រជាពលរដ្ឋប្រកបរបរចិញ្ចឹមក្រពើមានកសិដ្ឋានសរុបចំនួន៤៤។ក្នុងនោះកសិដ្ឋានចិញ្ចឹមរបស់រដ្ឋមានចំនួន១និងកសិដ្ឋានចិញ្ចឹមឯកជនមានចំនួន៤៣។
ដោយឡែកចំពោះតម្លៃក្នុងទីផ្សារធ្លាក់ចុះមានកត្តាច្រើនពាក់ព័ន្ធដូចជាបញ្ហាកូវីដ.១៩,បញ្ហាទីផ្សារប្រទេសថៃបិទរោងចក្រផលិតចំណីអាហារបណ្តោះអាសន្ន,និងមួយផ្នែកទៀតដោយសារបញ្ហាកម្ពុជាទំនាក់ទំនងទីផ្សារធំក្រៅប្រទេសរវាងប្រទេសវៀតណាម និងប្រទេសចិន៕
