កំពង់ស្ពឺ:រថយន្តបុកជាមួយម៉ូតូបណ្តាលឱ្យស្លាប់ម្នាក់និងរងរបួសម្នាក់រថយន្តមិនទាន់អស់ល្បឿនជ្រុលទៅបុកផ្ទះមួយខ្នង។ហេតុការណ៍គ្រោះថ្នាក់ចរាចរណ៍នេះបង្កឱ្យមានការភ្ញាក់ផ្អើលនៅតាមបណ្តោយផ្លូវជាតិលេច៤ត្រង់ចំណុចភូមិចំបក់ឃុំវល្លិ៍សរស្រុកសំរោងទងខេត្តកំពង់ស្ពឺកាលពីយប់ថ្ងៃទី១៥ខែកញ្ញាឆ្នាំ២០២០។
មន្ត្រីនគរបាលប៉ុស្តិ៍ឃុំវល្លិ៍សរបានឱ្យដឹងថាៈរថយន្តម៉ាកហ៊ីយ៉ិនដាយពណ៌សពាក់ស្លាកលេខព្រះសីហនុ3A8133បើកបរដោយឈ្មោះនួនវណ្ណាភេទប្រុសអាយុ៣៨ឆ្នាំនៅភូមិបត់សិរមាន់ស្រុកព្រៃនប់ខេត្តព្រះសីហនុ។
បានបុកពីក្រោយម៉ូតូម៉ាកនិចគ្មានស្លាកលេខអ្នកបើកបរឈ្មោះនឹមឆាងភេទប្រុសអាយុ១២ឆ្នាំរស់នៅភូមិត្រពាំងរការស្រុកសំរោងទងខេត្តកំពង់ស្ពឺបណ្តាលឱ្យអ្នកបើកបរម៉ូតូស្លាប់។អ្នករួមដំណើឈ្មោះសុវត្ថិស្រីណេភេទស្រីអាយុ២២ឆ្នាំរស់នៅស្រុកសំរោងទងខេត្តកំពង់ស្ពឺ បានរងរបួស។
ប្រភពបានបន្តថា បន្ទាប់មករថយន្តបានជ្រុលទៅបុកផ្ទះមួយខ្នងទៀត ម្ចាស់ផ្ទះឈ្មោះ សាន់ សុភក្ត្រ ភេទប្រុស អាយុ ៣៨ឆ្នាំរងរបួសស្រាលរស់នៅភូមិកើតហេតុបណ្តាលឱ្យគ្រោះថ្នាក់មនុស្ស និងខូចសម្ភារ៕