ខេត្តបន្ទាយមានជ័យ៖ក្នុងខេត្តបន្ទាយមានជ័យ ស្ថិតក្នុងភូមិជនពិការក្នុងភ្នំដូងព្រះ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ដែលកំពុងល្បីថា មានរ៉ែមាសនោះ ក្នុងរយះពេល៤ថ្ងៃនេះ សមត្ថកិច្ច និងអាជ្ញាធរ កំពុងស្វែងគំនិតដាក់គ្នាជាមួយនិងប្រជាពលរដ្ឋពីរឿងរ៉ែមាសនៅភ្នំដូងព្រះនេះភាគីម្ខាងខាងសមត្ថកិច្ច និងអាជ្ញាធរថា អាចមានគ្រោះថ្នាក់ដល់ជីវិត ភាគីម្ខាងប្រជាពលរដ្ឋវិញថា រ៉ែមាសនេះអាចរកបានស្រួលហើយមានអ្នកចាំទិញអាចលក់បានលុយទោះបីរករ៉ែមាសនេះ លក់បានតំលៃតិចក្តីច្រើនក្តីក៏រកលុយបានស្រួលដែរ។
នៅយប់ថ្ងៃទី២៩ ខែមករា ឆ្នាំ២០២០នេះលោក ហ៊ឹល រ៉ាយ៉ា អភិបាលក្រុងសិរីសោភ័ណបានប្រាប់ថាក្រោយពេលដែលទទួលព័ត៌មានថាមានប្រជាពលរដ្ឋនាំគ្នាទៅរុករករ៉ែមាស នៅកន្លែងដីភ្នំដូងព្រះដែលជាទីកន្លែងដីបាក់យ៉ាងខ្លាំងនោះកំពុងប្រឈម និងព្រួយបារម្មភ្នំបាក់សង្កត់ ដល់ប្រជាពលរដ្ឋដែលចូលរុករករ៉ែមាសស្លាប់ ទើបអាជ្ញាធរ និងសមត្តកិច្ចបានចុះហាមឃាត់ប្រជាពលរដ្ឋមិនឲ្យចូលរុករករ៉ែមាសនេះ។
លោកបានបញ្ជាក់ថា ការហាមឃាត់ប្រជាពលរដ្ឋ មិនឲ្យចូលរុករករ៉ែមាស់នោះ គឺមិនម៉ែនហាមឃាត់ទុកសម្រាប់អាជ្ញាធរនោះទេ ដោយអាជ្ញាធរជំនាញបានលើងខ្នងភ្នំត្រង់ចំណុចដែលកាយឃើញភ្នំផ្នែកខាងលើ មានភាពប្រេះអាចបាក់ដីថ្មសង្កត់មកលើប្រជាពលរដ្ឋនាំគ្នាទៅរុករករ៉ែមាស អាចភ្នំបាក់ប្រឈមគ្រោះថ្នាក់គ្រប់ពេលទើបអាជ្ញាធរហាមឃាត់។នៅជើងភ្នំ។
លោក ហ៊ឹល រ៉ាយ៉ាបានបញ្ជាក់ទៀតថា ជាក់ស្តែងកាលពីថ្មីនេះ ភ្នំដូងព្រះនេះ មានដីនិងថ្មភ្នំបាក់ពីលើភ្នំ ចុះមកក្រោមលាន់ដូចរន្ទះ ដូច្នេះបើបងប្អូនចូលរុករកមាស នៅម្តុំដីបាក់នោះអាចប្រឈមគ្រោះថ្នាក់ ដល់អាយុជីវិតគ្រប់ពេលទើបអាជ្ញាធរត្រូវហាមឃាត់មិនឲ្យប្រជាពលរដ្ឋ ចូលទៅរកព្រោះតាមការពិនិត្យ លោហធាតុដែលប្រជាពលរដ្ឋ រកឃើញយកមកលក់នេះដូចជាមិនម៉ែនជាមាសនោះទេ។
ក្រោយពេលអាជ្ញាធរមានសមត្តកិច្ចក្រុងសិរីសោភ័ណ លោកបានទៅហាមឃាត់ឃើញមានប្រជាពលរដ្ឋ២០ទៅ៣០នាក់ចាស់ក្មេង ដែលរកមាសនោះត្រូវចេញពីកន្លែងហាមឃាត់ ក្រោយពេលអាជ្ញាធរ និងសមត្តកិច្ចទៅបាត់បាននាំគ្នាមករកវិញ ប្រមាណជាង២០នាក់។
ដោយពួកគាត់និយាយថាគាត់រកមាសនេះមានរយៈពេល៣ទៅ៤ថ្ងៃមកហើយរកឃើញរ៉ែមាសនេះ ហើយប្រជាពលរដ្ឋនាំគ្នាយកមករកមុនថ្ងៃ អាជ្ញាធរហាមឃាត់មានអ្នកមករកប្រមាណ៣០ទៅ៤០នាក់ ហើយក្រោយពេលដែលប្រជាពលរដ្ឋមករកស្រាប់តែអាជ្ញាធរ និងសមត្ថកិច្ចធ្វើការហាមឃាត់ប្រជាពលរដ្ឋមិនឲ្យរុករកមាសនេះទៅវិញ។
ប្រជាពលរដ្ឋបានបញ្ជាក់ថា ក្រោយពេលពួកគាត់រករ៉ែមាសក្នុង១ថ្ងៃអាចរកលក់ ឲ្យឈ្មួញមកទិញម្នាក់លក់រ៉ែមាសបាន១គីឡី ក្រាមតំលៃ៥ម៉ឺនរៀលអាចរកលុយបានម្នាក់៥ទៅ៦ម៉ឺនរៀល ក្នុង១ថ្ងៃសម្រាប់ដោះស្រាយជីវិភាព គ្រួសារផងដែរមិនខ្លាចប្រឈមនិងភ្នំបាក់សង្កត់ស្លាប់នោះឡើយ៕