ចិន ៖ ទិន្នន័យពីអាជ្ញាធរសុខភាពជាតិចិនបានបង្ហាញថា នៅថ្ងៃសុក្រនេះបានរកឃើញករណីឆ្លងវីរុសកូវិដ១៩ថ្មីចំនួន១ករណីប៉ុណ្ណោះកាលពីម្សិលមិញ ដែលធ្វើករណីឆ្លងមានការធ្លាក់ចុះពីពីរថ្ងៃមុន។ នេះបើយោងតាមប្រភពពី CNA។
គណៈកម្មការសុខភាពជាតិបាននិយាយនៅក្នុងសេចក្តីថ្លែងការណ៍មួយថាមិនមានករណីនាំចូលថ្មីណាមួយត្រូវបានកត់ត្រាទេកាលពីថ្ងៃទី ៧ ឧសភា។ដូច្នេះមានន័យថាករណីនាំចូលពីក្រៅប្រទេស នៅត្រឹម១,៦៨០ករណីដដែលហើយ ដោយក្នុងនោះមានអ្នកជំងឺចំនួន ១,៤៣៤នាក់បានជាសះស្បើយឡើងវិញ ខណៈ២៤៦នាក់ផ្សេងទៀងកំពុងសម្រាកព្យាបាល នៅឯមន្ទីរពេទ្យនៅឡើយ ក្នុងនោះ ០៥នាក់កំពុងស្ថិតក្នុងស្ថានភាពធ្ងន់ធ្ងរ។
អាជ្ញាធរសុខាភិបាលជាតិបាននិយាយថា សរុបជារួមចំនួនករណីឆ្លងកូវិដ១៩ នៅទូទាំងប្រទេសចិន បានកើនឡើងដល់ ៨២.៨៨៦ នាក់ ខណៈចំនួនអ្នកស្លាប់នៅតែមិនផ្លាស់ប្តូរគឺ ៤.៦៣៣ នាក់ដដែល៕
