ភ្នំពេញ៖រាជរដ្ឋាភិបាលកាលពីថ្មីៗនេះបានឱ្យភ្លើងខៀវទៅក្រសួងទេសចរណ៍ ឱ្យបន្តធ្វើបុណ្យសមុទ្រតទៅទៀតបើទោះបីឆ្នាំ២០២០នេះកើតមាននូវជំងឺកូវីដ១៩កក្រើកមេឃកក្រើកដីប៉ះពាល់ដល់វិស័យទេសចរណ៍យ៉ាងធ្ងន់ធ្ងរយ៉ាងណាក៏ដោយ។នេះបើតាមលោកតុប សុភ័កអ្នកនាំពាក្យក្រសួងទេសចរណ៍និងជាអនុរដ្ឋលេខាដែលបានឱ្យដឹងកាលពីថ្ងៃទី៦ខែមិថុនាឆ្នាំ២០២០។
លោកប្រាប់ថាបុណ្យសមុទ្រលើកនេះជាបុណ្យលើកទី៩ជុំទី៣។ដោយមិនទាន់កំណត់ថ្ងៃច្បាស់លាស់នៅឡើយទេនៅខែធ្នូចុងឆ្នាំនេះ។តែក្រសួងទេសចរណ៍បានរៀបចំបង្កើតគណៈកម្មកាអន្តរក្រសួងរួចរាល់អស់ហើយ។លោកថាការជ្រើសរើសទីតាំងយកឆ្នេរសម្រាប់ធ្វើពិធីបុណ្យគឺយកចំណុចឆ្នេរអូរត្រេះ។
អ្នកតាមដានផ្នែកវិស័យទេសចរណ៍មើលឃើញថាបុណ្យសមុទ្រឆ្នាំនេះលាយឡំជាមួយនឹងការផ្ទុះជំងឺកូវីដ១៩ពិបាកនឹងមានការចូលរួមពីផ្នែកឯកជនដែលជាដៃគូរកស៊ីលើវិស័យនេះ។ដោយសារតែរីករាលដាលជំងឺនេះធ្វើឱ្យអ្នករកស៊ីវិស័យនេះស្ទើរដួលរលំរាប់ខែមកហើយ។
ទុន មូលនិធិផ្ទាល់ខ្លួន ត្រូវខាតបង់អស់ច្រើនមកហើយ។ក៏ប៉ុន្តែបើបានចូលរួមពីផ្នែកឯកជនណាមួយក្នុងវិស័យនេះ វាជាសក្តានុពលមួយបើកបង្ហាញឱ្យឃើញពីការការពារខ្លួនយកឈ្នះទៅលើកូវីដ19កន្លងមក។
ធ្វើឱ្យយើងមានបទពិសោធន៍តាមរយៈជំងឺកូវីដ១៩បានបង្រៀនយើងអោយចេះនូវអ្វីដែលចន្លោះប្រហោង។មកដល់ពេលនេះមិនទាន់មានផ្នែកឯកជនណាអះអាងថានឹងចូលរួមឱ្យបានពេញលេញទៅក្នុងកម្មវិធីបុណ្យនេះនៅឡើយទេ។បុណ្យសមុទ្របើគ្មានដៃគូរឯកជនចូលរួមទេបុណ្យនោះនឹងគ្មានភាពអាធឹកអាធម៌នោះឡើយ។ឆ្នាំទៅមិញបុណ្យសមុទ្របានប្រារព្ធធ្វើឡើងនៅខេត្តកំពត៕
