បរទេស ៖ អង្គការសុខភាពពិភពលោក (WHO) បាននិយាយកាលពីថ្ងៃច័ន្ទថា ករណីឆ្លងកូវីដ១៩កំពុងមានចំនួនកើនឡើងខ្ពស់បំផុតមិនធ្លាប់មានខណៈដែលជំងឺរាតត្បាតសកលនេះកាន់តែអាក្រក់ទៅៗនៅទូទាំងពិភពលោក និងមិនទាន់ឈានដល់ចំណុចកំពូលនៅអាមេរិកកណ្ដាលនៅឡើយ ដោយជំរុញដល់បណ្ដាប្រទេសទាំងអស់បង្កើនកិច្ចខិតខំប្រឹងប្រែង ដើម្បីទប់ស្កាត់វីរុសនេះ។ នេះបើយោងតាមប្រភពពី CNA។
ប្រធានអង្គការសុខភាពពិភពលោកលោក Tedros Adhanom Ghebreyesus បានប្រាប់សន្និសីទសារព័ត៌មានមួយថា“មានរយៈពេលជាង ៦ខែហើយ ដែលបានធ្លាក់ចូលក្នុងការរីករាលដាលជំងឺរាតត្បាតសកលនេះ ពេលនេះមិនមែនជាពេលវេលាសម្រាប់ប្រទេសណាមួយ ដែលត្រូវដើរចេញពីយុទ្ធនាការនេះទេ“។
លោកបាននិយាយថា មានករណីថ្មីជាង ១៣៦.០០០នាក់ត្រូវបានគេរាយការណ៍ទូទាំងពិភពលោកកាលពីថ្ងៃអាទិត្យ ដែលភាគច្រើនកើតឡើងតែមួយថ្ងៃគត់។ ជិត ៧៥ ភាគរយនៃពួកគេត្រូវបានរាយការណ៍មកពី ១០ ប្រទេសដែលភាគច្រើននៅអាមេរិកនិងអាស៊ីខាងត្បូង។
ឆ្លើយតបនឹងសំណួរស្តីពីប្រទេសចិនអ្នកជំនាញផ្នែកសង្គ្រោះបន្ទាន់របស់អង្គការសុខភាពពិភពលោកលោកវេជ្ជបណ្ឌិត Mike Ryan បាននិយាយថា ការសិក្សាលម្អិតអំពីថា តើជំងឺនេះរីករាលដាលតាមរបៀបណា ដែលត្រូវដោះស្រាយអាចរង់ចាំសិនដោយបន្ថែមថា “យើងត្រូវផ្ដោតលើអ្វីដែលយើងកំពុងធ្វើនៅថ្ងៃនេះ ដើម្បីទប់ស្កាត់ការហក់ឡើងខ្ពស់ជាលើកទីពីរទៀត៕
