មីយ៉ាន់ម៉ា ៖ យោធាមីយ៉ាន់ម៉ានិយាយថា ខ្លួនកំពុងដកហូតអាជ្ញាប័ណ្ណប្រព័ន្ធផ្សព្វផ្សាយក្នុងស្រុកចំនួន ៥ នៅក្នុងការប៉ុនប៉ងដើម្បីបំបិទមាត់ពួកគេ ស្របពេលមានការតវ៉ាប្រឆាំងនឹងរដ្ឋប្រហារកាលពីខែមុន។
យោធាបានប្រកាសការដកហូតនេះតាមរយៈទូរទស្សន៍រដ្ឋកាលពីថ្ងៃចន្ទ។ ប្រព័ន្ធផ្សព្វផ្សាយទាំង ៥ បានរាយការណ៍លើការតវ៉ាដែលមិនឈប់ឈរជាពិសេសតាមរយៈអ៊ីនធឺណិត។
ទូរទស្សន៍ដែលគ្រប់គ្រងដោយរដ្ឋបាននិយាយថា ប្រព័ន្ធផ្សព្វផ្សាយទាំង៥នេះនឹងលែងផ្សព្វផ្សាយព័ត៌មានដល់សាធារណជនក្នុងកាលៈទេសៈណាក៏ដោយ។
សូមជម្រាបថា ប្រព័ន្ធផ្សព្វផ្សាយចំនួន ៥ ដែលយោធាមីយ៉ាន់ម៉ាដកហូតអាជ្ញាប័ណ្ណនោះរួមមាន គេហទំព័រ Myanmar Now, សារព័ត៌មាន Khit Thit, វិទ្យុសម្លេងប្រជាធិបតេយ្យភូមា (DVB), ទូរទស្សន៍ Mizzima និងសារព័ត៌មាន 7 Day ខណៈដែលទូរទស្សន៍ Mizzima និងសារព័ត៌មាន7 Day គឺជាសាខារបស់វិទ្យុ VOA៕
