ភ្នំពេញ៖កាលពីល្ងាចថ្ងៃទី១៩ខែឧសភាឆ្នាំ២០២០មានហេតុការណ៍គ្រោះធម្មជាតិមួយបានកើតឡើងដោយមេឃភ្លៀងជាមួយខ្យល់បក់ខ្លាំងៗបណ្ដាលឱ្យដើមក្ងោកធំមួយដើមរលំសង្កត់រថយន្តស៊េរីទំនើប១គ្រឿងកំពុងឈប់ស្តុបសន្ធរម៉ុក។ស្ថិតនៅតាមបណ្ដោយមហាវិថីម្ពុជាក្រោមមូលដ្ឋានសង្កាត់ផ្សារដេប៉ូទី៣ខណ្ឌទួលគោកបណ្ដាលឱ្យរងការខូចខាតយ៉ាងដំណំ ។
ប្រជាពលរដ្ឋបានឱ្យដឹងថានៅមុនពេលកើតហេតុគឺមានមេឃភ្លៀងធ្លាក់រួមនិងខ្យល់បោកបក់យ៉ាងខ្លាំងដែលធ្វើឱ្យដើមក្ងោកធំមួយដើមរលើងទាំងឬសបាក់សង្កត់រថយន្តម៉ាក់Mazdaមួយគ្រឿងពណ៌សពាក់លេខភ្នំពេញ2AC5776។
រថយន្តអ្នកធ្វើដំណើរតាមបណ្ដោយមហាវិថីកម្ពុជាក្រោមកំពុងឈប់ស្ទុបក្រហមបណ្ដាលឱ្យខូចខាតផ្នែកដំបូលនិងកំណាត់ក្រោយទាំងស្រុងតែមិនបង្កឱ្យមានមនុស្សរងរបួសនោះទេ។
ក្រោយពីទទួលបានព័ត៌មានថាមានការណីបាក់ដើមក្ងោកនៅចំណុចកើតហេតុនិងសង្កត់ទៅលើរថយន្ត១គ្រឿងផងនោះអាជ្ញាធរមូលដ្ឋាននៃកម្លាំងគណៈបញ្ជាការឯកភាពខណ្ឌទួលគោកបានចុះទៅជួយសម្រួលចរាចរណ៍ និងកាត់ដើមឈើយកចេញដើម្បីកុំឱ្យមានការកកស្ទះចរាចរណ៍ថែមទៀត៕