ភ្នំពេញ៖បុរសជនជាតិឥណ្ឌាម្នាក់ត្រូវបានពលរដ្ឋប្រទះឃើញដេកស្លាប់ក្នុងបន្ទប់ជួលជាន់ទី១បង្កឱ្យភ្ញាក់ផ្អើលនៅជាន់ទី១ភូមិព្រៃព្រីងត្បូង២សង្កាត់ចោមចៅ៣ខណ្ឌពោធិសែនជ័យកាលពីព្រឹកថ្ងៃទី៥ខែមិថុនាឆ្នាំ២០២០ ។
តាមប្រភពនៅកន្លែងកើតហេតុបានឱ្យដឹងថាសាកសពមានឈ្មោះZOTEROBINSONSONGMUANLIANភេទប្រុសអាយុ៣៣ឆ្នាំជនជាតិឥណ្ឌា។មុខរបរអតីតគ្រូបង្រៀនភាសាអង់គ្លេសនៅសកលវិទ្យាល័យបញ្ញាសាស្ត្រខេត្តសៀមរាបស្នាក់នៅបន្ទប់ជួលចំណុចខាងលើជាង១ខែមកហើយ ។
តាមពលរដ្ឋស្នាក់នៅក្បែរខាងបានឱ្យដឹងថា ជនរងគ្រោះ ធ្លាប់វះកាត់បេះដូង ច្រើនលើកមកហើយ កើតជំងឺលើសឈាមផងហើយរាល់ថ្ងៃចូលចិត្តផឹកស្រា។មុនភ្ញាក់ផ្អើលមិនឃើញជនរងគ្រោះចេញក្រៅហាត់ប្រាណដូចសព្វដងទេ។លុះពេលដែលមានស្ត្រីម្នាក់ដើរទៅរកប្រមូលចានឆ្នាំងប្រទះឃើញដេកហៅមិនឆ្លើយប្រាប់ម្ចាស់ផ្ទះមកហៅពិនិត្យមើលជាក់ស្តែងឃើញស្លាប់ក៏រាយការណ៍ទៅសមត្ថកិច្ចចុះពិនិត្យជាក់ស្តែង ៕