បន្ទាយមានជ័យ៖ក្រុមការងារយុវជនសហភាពសហព័ន្ធយុវជនកម្ពុជា(សសយក )ក្រុមកាយរិទ្ធក្រុមយុវជនស្ម័គ្រចិត្តកាកបាទក្រហមក្រុង/ខេត្តនៅក្រុងសិរីសោភ័ណខេត្តបន្ទាយមានជ័យ។
ដឹកនាំដោយក្រុមគ្រូពេទ្យ៣នាក់មន្ត្រីមន្ទីរនានានិងសាលាខេត្តរាប់សិបនាក់បានចុះផ្សាយនិងចែកលិខិត៣៣៥/២០សជណរបស់រដ្ឋបាលខេត្តជូននិងក្រើនរំលឹកបងប្អូនប្រជាពលរដ្ឋជាម្ចាស់ដែលបើកភោជនីយដ្ឋាន និងអាហារដ្ឋាន អ្នកលក់ដូរតាមផ្ទះ តាមក្នុងផ្សារឱ្យមានការប្រុងប្រយ័ត្ន។
លោកមួនយុគសានជាសមាជិកក្រុមប្រឹក្សាខេត្តបន្ទាយមានជ័យបានឱ្យដឹងកាលពីថ្ងទី៥ខែមិថុនាឆ្នាំ២០២០ថា៖ដោយមានការចង្អុលបង្ហាញពីលោកអ៊ុរាត្រីអភិបាលខេត្តបន្ទាយមានជ័យនិងកិច្ចគាំទ្រពីលោកហ៊ឹលរ៉ាយ៉ាអភិបាលក្រុងសិរីសោភ័ណ។លោកនិងយុវជននៃក្រុមចម្រុះនិងគ្រូពេទ្យបានចេញទៅបំពេញការងារដូចខាងលើជាមួយ៖
១.ម្ចាស់អាជីវកម្មភោជនីដ្ឋាននិងអាហារដ្ឋានទាំងអស់នៅខេត្តបន្ទាយមានជ័យតម្រូវគោរពឱ្យបានត្រឹមត្រូវតាមការណែនាំរបស់ក្រសួងសុខាភិបាលស្តីពីការរីករាលដាលនៃជំងឺកូវីដ១៩។២.ត្រូវរៀបចំឱ្យមានទឹកអាល់កុលឬជែលសម្រាប់លាងដៃនៅមុខច្រកទ្វារចេញ-ចូល។ត្រូវចាត់បុគ្គលិកធ្វើការវាស់កម្តៅភ្ញៀវទាំងអស់មុននឹងអនុញ្ញាតឱ្យចូលក្នុងភោជនីយដ្ឋាន ឬអាហារដ្ឋាន។
៣.ត្រូវរក្សាគម្លាតសង្គមឱ្យបានត្រឹមត្រូវតាមការណែនាំរបស់ក្រសួងសុខាភិបាល។៤.អ្នកលក់ត្រូវអនាម័យ ពាក់ម៉ាស់ ថង់ឬស្រោមដៃ ចាប់ចំណីអាហារឱ្យភ្ញៀវបានត្រឹមត្រូវ។លោកបានបន្តថា ៖ ក្រុមមការងារបានចែកជា៤ក្រុម ដោយបានបំពេញការងារដូចជា ៖ក្រុម១៖ចុះតាមផ្សារសិរីសោភ័ណ ,ផ្សារហ៊ុយឡេងបេនឡានតាមភោជនីយដ្ឋាននិងអាហារដ្ឋានគោលដៅក្បាលស្ពានមន្ទីរសុខាភិបាលខេត្ត ។
ក្រុម២ ៖ ចុះតាមបណ្តោយផ្លូវទៅប៉ោយប៉ែតភោជនីយដ្ឋានផ្កាយព្រឹក ផ្សារអូអំបិល និងអាហារដ្ឋាន គោលដៅដល់សកលវិទ្យាមានជ័យ។ក្រុម៣៖ចុះតាមបណ្តោយផ្លូវទៅសៀមរាបគោលដៅដល់ភោជនីយដ្ឋានបឹងឈូក។និងក្រុម៤៖ចុះតាមផ្លូវជាតិ៥៦ផ្សារចម្ការគរគោលដៅសាលាក្រុងសិរីសោភ័ណ។ នៅតាមគោលដៅក្រុមនិមួយៗបានលើកពីពាក្យគន្លឹះក្នុងការផ្សព្វផ្សាយរួមមាន”កុំភ្លេច,កុំហ៊ាន,កុំបំពាន,កុំប្រហែស,កុំមើលងាយកូវីដ១៩មិនទៅណាទេនៅក្បែរអ្នកជានិច្ច”៕
